اللغة الانجليزية – انجل المسار العلمي جامعة الملك سعود

مادة اللغة الإنجليزية هي مادة جدًا جدًامهمة، نقدر نقول عليها المادة الي تلعب في المعدل بما إن عليها أكثر عدد ساعات في المعدل ، لذلك هي فرصة جدًا ثمينة لترفع معدلك فيها، ممكن في البداية تحس الوضع صعب لكن لا تخاف مع الوقت بتكون المحاضرات سلسة جدًا خصوصًا المحاضر راح يتعاون معاك ويراعيك لكن النقطة المهمة هنا هي كسر حاجز الخوف والخجل عندك، فلو ما بادرت أنت بالتحدث إلى المحاضر ومع زملائك باللغة الإنجليزية فهنا أنت ماراح تستفيد شيء أبدًا من المحاضرات ، وهذا الشيء بيفيدك سواء بالاختبارات أو المشاريع مثل CA أو اختبار السبيكينق نهاية الترم.

اختبار تحديد المستوى :
الاختبار الكتروني , بيرسلون لكم رابط للاختبار قبل اليوم التعريفي باذن الله  .
نصيحة جدًا مهمة حلوا الاختبار من نفسكم لا تقولون بآخذ لڤل أعلى أو أقل خذي الي يمثلك صدق علشان تستفيدين ويكون الي معك بنفس مستواك .
ليفل A : اجوبتك الصحيحة تكون من 0 الى 45 (الترم الاول : انجل 104 / الترم الثاني : انجل 111 )
ليفل B : اجوبتك الصحيحة تكون من 46 الى 85 (الترم الاول : انجل 105 / الترم الثاني : انجل 112 )
ليفل C : اجوبتك الصحيحة تكون من 86 الى 100 (الترم الاول : انجل 106 / الترم الثاني : انجل 113 )

تقسيم الدرجات :
– مشروعين CA واحد من ٨ درجات و الثاني من ٧ درجات  .. الأول راح يكون فيه برزنتيشن و الثاني راح يكون بس كتابة ولا تشيلون هم أغلب الأستاذات متعاونين و يساعدونكم كثير و راح يعلمونكم كامل التفاصيل وقتها
– ٣٠ ميد CBT محوسب ( ٦٠ فقرة اختياري , كل فقرة عليها نص )
القرامر ١٠ أسئلة , الفوكاب ١٠ أسئلة , الليسننق بيكون اثنين وكل واحد عليه ١٠ أسئلة والريدنق نفس الشيء
– ١٠ فاينل سبيكنق , ( برفق لكم امثلة للاختبارات )
– ١٠ فاينل رايتنق ( موضوع ويحطون عليه ثلاث أسئلة ) الترم الاول 120 كلمة , الترم الثاني 160 كلمة
-٣٠ فاينل CBT محوسب ( نفس طريقة الميد بالضبط )
– ٥  للتمارين المطلوبة منكم بالـLMS

طريقة المذاكرة لـ CBT :
قبل الميد و الفاينل بفترة أسبوع لأسبوعين راح تنزل العمادة ملف pdf فيه الفوكاب المطلوب منكم و القرامر
الفوكاب احفظوه كويس مع المعاني و وظفوا الكلمات بجمل علشان ترسخ بمخكم
و القرامر مروا على كل المصادر الي تقدرون عليها و تدربوا قد ما تقدرون سواء يوتيوب تكتبون بقوقل و تشوفون المواقع الي تطلع لكم من أي مكان المهم كثفوا تدريبكم علشان تستفيدون صدق بالنسبة للريدنق و الليسننق سووا نفس الحركة اكتبوا بقوقل و أي مكان يطلع لكم تدربوا عليه
الليسننق قبل ما تفتحين المقطع الصوتي اقري الأسئلة وافهميها زين عشان يسهل عليك حلها
غالبًا الملفات الي بيعطونكم إياها راح تكون موحدة لأن الاختبار موحد لكن في حال اختلفت احرصوا إنكم تمرون عليها كلها أفضل و من صالحكم لأن زي ما قلنا الاختبار موحد. مستوى اختبارات CBT يتدرجون معكم من السهل الى الصعب يعني كل اختبار يكون اصعب من الي قبله لذلك الترم الاول يعتبر اسهل , حاولوا تطورون نفسكم كثير بالليسننق والريدنق عشان ما تواجهون اي صعوبة .
الاختبار محوسب والأسئلة كلها اختياري 

المصادر:

متنوعة جدًا، فكل شخص يختلف عن الشخص الآخر بما أنه ما فيه تجميعات محددة نرجع لها، هنا بضع لكم أهم المصادر الي فادتنا

• موقع LMS
https://lms.ksu.edu.sa

• موقع ELSD
https://efy.ksu.edu.sa/ELSDOnline/

• قناة engVid
https://youtu.be/Iav1b6LkD7Q
وموقعهم : ‏http://www.engvid.com

• موقع Socrative