الاسئلة الشائعة في الانترفيو interview و الرد عليها
الاسئلة الشائعة في الانترفيو interview و الرد عليها
الاسئلة الشائعة في الانترفيو interview و الرد عليها
السوال الاول : أخبرنى عن نفسك ؟
السؤال ده بيتسأل في كل المقابلات تقريبا عشان كده لازم تبقى مجهز إجابة ليه، بس خد بالك عشان ميبقاش شكلك متدرب على الإجابة قبل كده خصوصا انه سؤال بسيط…اتكلم عن دراستك والوظايف اللي اشتغلت فيها قبل كده، وخبراتك في نفس مجال الوظيفة اللي انت مقدملها… اتكلم من الأقدم للأحدث، وخلي إجابتك في حدود دقيقة أو دقيقتين كحد أقصى.
السوال الثانى : ماهى نقاط قوتك ؟
أي إجابة عن مميزات في شخصيتك أو مهارات عندك تعتبر إجابة مقبولة، مثلا ممكن تتكلم عن: قدرتك على ترتيب الأولويات، وحل المشاكل، وقدرتك على الشغل تحت ضغط، أو خبرتك في مجال معين، ومهاراتك كقائد، ونظرتك الايجابية للأمور،…أو أي مميزات تانية شايفها في نفسك…
السوال الثالث : ماهى نقاط ضعفك ؟
الإجابة التقليدية للسؤال ده انك تقول ميزة وتقلبها لعيب.. فمثلا تقول انك بتهتم بالتفاصيل أوي وده شيء مرهق وبياخد وقت أو انك بتشتغل كتير أوي وبتضغط على نفسك جامد! …الاسلوب ده في الإجابة اتعمل قبل كده كتير، وحتى لو كنت بتتكلم بجد، غالبا اللي بيسألك مش هيصدقك… اكيد عارف الحيلة دي كويس!
لكن فيه طريقة أفضل، ممكن تتكلم عن نقطة ضعف حقيقية فيك وانت اشتغلت عليها وعرفت تصلّحها وتوصف عملت إيه عشان تصلحها، مثلا ممكن حد يقول “أنا كنت شخص مش اجتماعي وبتجنب مواقف اتعامل فيها مع الناس، لكن لما اشتغلت في عمل تطوعي بقيت بتعامل مع ناس كتير ومع الوقت بقيت اقدر اتعامل مع أي حد بسهولة”.
ملاحظة : المقابلة الشخصية ليست وقتا للتحدث عن الامور السلبية فقط اظهر نقطة ضعف ليس لها علاقة بالوظيفة او نقطة ضعف قمت بالتغلب عليها و تحسينها .
السوال الرابع : لماذا تريد ان تعمل فى شركتنا ؟
ممكن في السؤال ده تتكلم من خلال المعلومات اللي جمعتها عن الشركة واللي من خلالها قررت انك عايز تشتغل في المكان ده…قبل ما تروح المقابلة جهز إجابة للسؤال ده، وزود عليها خططك و أهدافك الشخصية اللي انت محددها لحياتك العملية، وازاي شغلك في الشركة دي هيحققهم…حاول تتكلم عن حاجة معينة بتميز الشركة دي، مثلا زي التدريب أو عدد العملاء الكبير أو مكانة الشركة في سوق العمل
ملاحظة : يريد المحاور ان يعرف منك هل قمت بجمع معلومات عن الشركة ام لا مثل الارباح السنوية للشركة ومنتجاتها و الخدمات التى تقدمها و منافسين الشركة و اهدافها وغيرها …..
السوال الخامس : ماهى اهدافك ؟
بلاش الإجابات العامة في السؤال ده، المفروض يبقى عندك أهداف طويلة المدى وتبقى عارف انت عايز توصل لإيه، حاول على قد ما تقدر تبقى محدد في إجابتك … ممكن تبحث في التدرج الوظيفي للوظايف في نفس المجال والمستوى اللي انت عايز توصل ليه في المستقبل من خلال وظيفتك أو أي حاجة تانية ممكن توصلك لهدفك زي الدراسة مثلا.
** ملاحظة : يريد صاحب العمل معرفة اذا كانت ان تسعى للعمل فى هذه الوظيفة لمدة طويلة وليست وظيفة مؤقتة وكذلك التعرف اذا لديك خطة لمسارك المهنى ام لا .
السوال السادس : لماذا يجب على ان اختارك ؟
ملاحظة : أتكلم عن صفاتك الشخصية و نقاط قوتك و خبرتك فى مجال الوظيفة المتقدم لها .
السوال السابع: ماهى توقعاتك للمرتب ؟
ملاحظة :اذا كان هذا السوال فى بداية الانترفيو هتقول ان المرتب مش اول اولوياتك و انك عايز تعرف عن الوظيفة اكتر لانها هتزود من خبرتك و تطور مهاراتك وهتحدد الراتب بعد معرفة المزيد عن مهام الوظيفة ومسئولياتها ولكن من الخطا عدم ذكر رقم معين للمرتب لان دا بيدل على عدم معرفة مهاراتك وخبرتك جيدا لذلك قم بالبحث عن المرتب المتوقع لهذه الوظيفة او اسال احد اصدقائك.
السوال الثامن : لماذا تريد تغير وظيفتك ؟
ملاحظة : قول انك بتدور على فرصة احسن و عايز تزود خبرتك و تطور مهاراتك .
السوال التاسع : هل لديك اى اسئلة ؟
سؤال غالبا لازم يتسأل في نهاية كل مقابلة عمل، خليك دايما محضر اسئلة لانك لو قلت انك معندكش اسئلة هيبان انك مش مهتم بالوظيفة أو انك ما صدقت ان المقابلة تخلص…
ملاحظة : فى البداية تشكر المحاور على انه سمحلك بعرض مهاراتك وخبرتك و لازم تكون محضر اسئله ثم تساله
1- هل هناك تدريب رسمى قبل العمل ام لا وماهى مدة التدريب ؟
2- ايه الصعوبات التى ممكن تواجهك فى العمل وازاى تتغلب عليها ؟
ولاتسال مطلقا عن الاجازات او المرتب
